[x]

"وقـل اعمـلوا فسـيرى الله عـملكم ورسـوله والمؤمنـون"


..لمحة عن كليات جامعة دمشق و فروعها... شاركنا تجربتك وكلمنا عن اختصاصك



المحـاضـرات
برنـامج الـدوام
برنـامج الامتحــان
النتـائج الامتحـانيـة
أسـئلة دورات
أفكـار ومشــاريع
حلقــات بحـث
مشــاريع تخـرّج
"وقـل اعمـلوا فسـيرى الله عـملكم ورسـوله والمؤمنـون"

مشاريع وأعمال حالية.. وإعلانات
برنـامج امتحان الفصل الأول نهائي/قسم المكتبات - 2013/2014
غاز السارين Sarin gas ( الأعراض, العلاج والارشادات )
أحكام فقه الجهاد
تـعـلـيـمـات فـي حـال اسـتـخـدام الآسـلـحـة الـكـيـمـاويـة
الى طلاب كلية التربية ... بجامعة دمشق
ان كانت لديك اية مشكلة تقنية نحن بالخدمة ان شالله (( العدد الثالث 2012- 2013))
منح دراسية من الاتحاد الأوروبي للسوريين
شروط القيد في درجة الماجستير بكلية التربية
عريضة لعميد كلية الاقتصاد ليتم اعادة مواد يومي 27-28
سوريا بخير..



  ملتقى طلاب جامعة دمشق --> الـمـنـتــديـــات --> المنتديــات العــامــة --> الـمُـضــحـــك .. الـمُـبـــكـي
    جحا القرن الواحد والعشرين !!
عنوان البريد :  
كلمة المرور :  
                    تسجيل جـديد


.جحا القرن الواحد والعشرين !!


lovelyface

عضــو فضـي

lovelyface




مسجل منذ: 31-10-2007
عدد المشاركات: 1638
تقييمات العضو: 0
المتابعون: 19

غير موجود
اشــترك بالتحديثات
رسالة مستعجلة

جحا القرن الواحد والعشرين !!

24-10-2009 11:05 AM




جحا

هل تعرفون من هو جحا

جحا يا حبابيبي مانو الشخص يلي كنا نسمع عنو نكت وطرائف ومغامرات ,,,,,,,,,لا
لانو جحا تبع هديك الايام راح والله يرحمو ...

اما  جحا القرن الواحد والعشرين فهو شخص تاني بيمد للاول بصلة
لكنها بعيدة شوي (من الارض الى زحل )

صفاتو الخارجية متعددة يعني ممكن يكون رجل – انثى – شب – فتاة - طفل ما بتفرق

صفاتو النفسية : شخص بيتميز بكمبية لا معقولة من الحشرية وحبه الوحيد في هذا الكون هو مراقبة الناس ولكنه للاسف لديه مناعة من الموت هما ....


فعندكم على سبيل المثال :

جحا الجار :

وهو الشخص يلي بيضل قاعد على برندة بيتو يلي بتطل على الشارع .. ويلي من هل المكان بالذات بيقدر يترصد تحركات الرايح والجاية ويعرف كل شاردة وورادة....

فمثلا انت جاية من شغلك تعبان ومو مصدق ايمتى توصل الغراض للبيت وتاكلك لقمة وتنام قبل ما يصير وقت شغلك باليل

واذ وانت عم تصف السيارة بيمدلك هل الجحا الحباب راسو من فوق البرندى بيقليك:

كيفك كيفك جار.... لا لا روح عليمين شوي .......لا لا قصدي عليسار .....لك لا لا كسير شوي

لبرا ..ولا قلك دور دور دولابك 45 درجة بتجاه عمو ابو محروس (الخضرجي) ايه ايه ........

وبعد ما يكون لبكك وطلعلك دمك ........ بيقلك :

شو  جار مين يلي عاطيك الشهادة  الله يلعن ابو الواسطة شو بتعمل بهل الايام

لك انا بزمناتي كنت سوق كميون علغمبيضي وبعمرها لا سوكت معي ولا خبطت سيارات العالم......

لك كان الكميون اصلا على طول بيشهي ... نضيف ... وعم يلمع .. وما عليه ولا نكشة ...

وبيبلش يسردلك ويحكيلك بمغاراتو مع هل الكميون على كافة خطوط الكرة الارضية لدرجة
انو بتصير تقول بقلبك لك فشرت ناسا ايه... ايه ناسا هي ومكوكاتها الفضائية لك ما بتطلع نقطة ببحر هل الجحا.


اما جحا الانثى :

فهي المرأة ذات الابتسامة الصفرواية والنظرة الثاقبة الخبيثة والتي يكثر وجودها في الاسواق السورية وتحديدا قرب غرف القياس

فمثلا انتي ورفيقتك عم تشترو شي قطعة وهل الجحا حابة تاخد متلها لشي حدا وفي اغلب الاحيان هي ما رح تشتري شي بس بتحب تعرف ما يلي من باب الاطلاع بس ها مو اكتر  :

قديش سعرها ؟ شو الوانها ؟ شو نوع القماشة تبعها ؟؟ شغل وين القماش ؟؟ لمين لقطعة الك  ولا لرفيقتك؟؟ وليش شو المناسبة ؟؟  ووين الحفلة ؟؟؟واني يوم ؟؟ ومن بيت مين العروس والعريس وكانها رايحة معك ؟؟

ووبتكمل على مين وكيف وليش وكل ما اوجده سيبويه من حروف واسماء الاستفهام

وبعد ذلك بتبلش تقلك لابقلتلك ولا مو لابقلتلك واي لون ممكن يناسب بشرتك علما بانو انتي لهلق ما قلتليها مرحبا يعني المفروض لحالها تفهم انو انتي ما طلبتي مساعدتها بس للاسف ما رح تفهم لانو هي ميزة من مميزات جحا القرن الواحد والعشرين (المساعدة بالاجبار !!)

اما جحا الطالب/ة فهو :

الشخص يلي بيترصد ويترقب وينتظر بفارغ الانتظار وقبل ان تفجرت مرارته من الفضول ....
عمو الاذن لحتى يعلق النتائج على لوحة الاعلانات بالكلية ...

وعند وقوع هذا الحدث الرهيب , بيشمر اخونا بالله جحا الطالب ,,,,,

وبيشن هجون دفش- رفس على لوحة الاعلانات وبرفقته سلاحه الوحيد القلم الازرق  وبيبلش

يطلع على اسم فلانة وفلانة وبيفصفص لوحة الاعلانات وبيعمل منها نسخة على ايديه المشمرتين

وبيطلع من المعركة منتصر ... وانما النصر لله ...

وبيبلش يفتل على الشباب والشابات الطيبين ويقلهن ويبشرهن بنتيجتهن (وخدوها مني هل الشخص ما بيجي من وراه الا النتيجة الراسبة والله يبعد الرسوب عنا جميعا ... قولو امين )

اما اخرا وليس اخيرا  حجا الطفل :


فهذا وضعو خاص كتتير لانو لساتو ببداية مشوارو الفضولي وطعمة حليب الحشرية ما يزال تحت اسنانو

وحبه باكتساب المعارف منطلق لا بل متفجر فمثلا :

بس يشوف تنين كبار قاعدين عم يحكو بيبلش يفنش ادانو ويفتح الرادارات ويلقط بهل الكلمات.....

وبعدين بيحشر حالو بالنص وبيبلش يسئل كم سؤال بيتميزون بوجود الانهاية منهن ........

يعني متى ما اشتغل ما بتعرف من وين بدك تطفيه .

بس اظرف شغلة بخصوص هل المخلوق الصغير هو انو عندو قدرة رهيبة بتوصيل الكلام للشخص المحكى عليه

فاذا كانت ام وبنتها على سبيل المثال عم يحكو عن الاب  , فمعيار معرفة الاب بحذافير السيرة اقوى من هيروشيما في اليابان وتسونامي بالمحيط الهندي ..

خلاصة الكلام يا جماعة:

ليش عنا هل الفضول والحشرية الرهيبة بمجتمعنا وليش عم نسمح لهل الشي بالتفاقم
ليش عنا هل الحب الرهيب لمعرفة خصوصيات العالم والتدخل بحياتهن واظهارهن بانو ما بيفهمو ونحنا شيخ المعارف كلها
ليش ما بنمد ايدينا  وبنساعد غيرنا عند الزوم  وعن اللحظة يلي هنن فعلا محتاجين مساعدتنا
حياتنا بسيطة ... وحلو انو نعيشها ببساطتها
مو حلو انو نحشر انفنا بيلي بيخصنا ويلي ما بيخصنا
لانو يلي بدو يعمل خير مع التاني لازم يعملو لوجه الله مو لحتى يببين هو الفهمان والتاني اغبى  خلص الله


بدي ياكن اليوم بعد ما تقرو هل الموضوع تقعدو من انفسكم وتشوفو كم مرة كنتو فيها جحا بحياتكم وكم مرة حاولتو تعرفو شي معلومة من حدا حتى ولو بطلوع الروح بس المهم تدرو بكل صغيرة وكبيرة

وبعد الهشي حطو حالكم محل الشخص التاني وحسو بشعورو وشوف النص المليان من الكاسة

اسفة للاطلالة

لكم تحياتي lovelyface






Life's a dream we are dreaming


أنت غير مسجل لدينا.. يمكنك التسجيل الآن.

مشاركة : 2


كريستال

جامعـي مبـدعـ





مسجل منذ: 07-09-2009
عدد المشاركات: 429
تقييمات العضو: 0
المتابعون: 9

غير موجود
اشــترك بالتحديثات
رسالة مستعجلة

رد مشاركة : جحا القرن الواحد والعشرين !!

24-10-2009 11:17 AM




صديقتي موضوعك مميز متلك...............يا ستي عنجد هالشغلة قولي ماشية بجينات الناس............كأنو الناس ما ايلا الا تشتغل ببعضها

وبتصور هادا الشي صار طبع تحت الضلع كما يقال .......وبتصور الناس تبطلوااااا

اف والله هادا امقت شي ...........ياريت كل واحد يتركو يتصرف لحلو من دون هلحشرية





أسفة يمكن حكيت كتير.............





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 3


grasseyes

جامعـي مشــارك





مسجل منذ: 21-08-2009
عدد المشاركات: 56
تقييمات العضو: 0

غير موجود
اشــترك بالتحديثات
رسالة مستعجلة

رد مشاركة : جحا القرن الواحد والعشرين !!

24-10-2009 03:14 PM




معك حق
واكتر شي بيزعجني هو جحا الانثى
يللي


اقتباس
فهي المرأة ذات الابتسامة الصفرواية والنظرة الثاقبة الخبيثة والتي يكثر وجودها في الاسواق السورية وتحديدا قرب غرف القياس

فمثلا انتي ورفيقتك عم تشترو شي قطعة وهل الجحا حابة تاخد متلها لشي حدا وفي اغلب الاحيان هي ما رح تشتري شي بس بتحب تعرف ما يلي من باب الاطلاع بس ها مو اكتر :

قديش سعرها ؟ شو الوانها ؟ شو نوع القماشة تبعها ؟؟ شغل وين القماش ؟؟ لمين لقطعة الك ولا لرفيقتك؟؟ وليش شو المناسبة ؟؟ ووين الحفلة ؟؟؟واني يوم ؟؟ ومن بيت مين العروس والعريس وكانها رايحة معك ؟؟

ووبتكمل على مين وكيف وليش وكل ما اوجده سيبويه من حروف واسماء الاستفهام

وبعد ذلك بتبلش تقلك لابقلتلك ولا مو لابقلتلك واي لون ممكن يناسب بشرتك علما بانو انتي لهلق ما قلتليها مرحبا يعني المفروض لحالها تفهم انو انتي ما طلبتي مساعدتها بس للاسف ما رح تفهم لانو هي ميزة من مميزات جحا القرن الواحد والعشرين (المساعدة بالاجبار !!)

تقبلي مروري
سلاااااااااااام





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 4


ماهر الزعبي

عضــو فضـي





مسجل منذ: 02-11-2007
عدد المشاركات: 1673
تقييمات العضو: 0
المتابعون: 17

غير موجود
اشــترك بالتحديثات
رسالة مستعجلة

رد مشاركة : جحا القرن الواحد والعشرين !!

24-10-2009 05:57 PM




بتعرفي جحا العضو بهالمنتدى مين؟؟

يلي برد رد بالغرب وبكون الموضوع بالشرق...

وبالأخير وبعد مايتفلسف بكم كلمة ويفوت الكل بالحيط من خلال ردو الخنفشاري بقلك:

تقبلي مروري اللطيف؟؟!!

بعدين ياقلبي مين سمحلك تشوهي صورة جحا بهالشكل؟؟؟

جحا أبدآ ماكان كراكوز أو تقيل دم؟

جحا كان حكيم وحكيم للغاية كمان





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 5


lovelyface

عضــو فضـي

lovelyface




مسجل منذ: 31-10-2007
عدد المشاركات: 1638
تقييمات العضو: 0
المتابعون: 19

غير موجود
اشــترك بالتحديثات
رسالة مستعجلة

رد مشاركة : جحا القرن الواحد والعشرين !!

24-10-2009 06:06 PM




عزيزتي  زينة شكرا للمرورك واعطاء الرئي

grasseyes وانا كمان متلك اكتر شي بيزعجني جحا الانثى وجحا الحشورة كمان


اما السيد ماهر الزعبي


اقتباس
بعدين ياقلبي مين سمحلك تشوهي صورة جحا بهالشكل؟؟؟

جحا أبدآ ماكان كراكوز أو تقيل دم؟

جحا كان حكيم وحكيم للغاية كمان


مين يلي سمحلي اكيد مو انت لانو مالك سلطة على قلمي
واذا فهمت الموضوع انو مجرد تشويه شخصية جحا فبقلك انا ما حكيت عن جحا هداك بل عن جحا تاني جحا القرن الواحد والعشرين

يا جحا المنتدى ههههههههههه

لكم تحياتي جميعا





Life's a dream we are dreaming


أنت غير مسجل لدينا.. يمكنك التسجيل الآن.

مشاركة : 6


ماهر الزعبي

عضــو فضـي





مسجل منذ: 02-11-2007
عدد المشاركات: 1673
تقييمات العضو: 0
المتابعون: 17

غير موجود
اشــترك بالتحديثات
رسالة مستعجلة

رد مشاركة : جحا القرن الواحد والعشرين !!

24-10-2009 06:48 PM




جحا المنتدى؟؟؟

وههههههههههه كمان؟؟؟

طيب يا شمئرين الساحرة من غيرتك عم تحكي هيك

جحا المنتدى يعني حكيم المنتدى





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 7


@ SiLVESTER @

عضو ذهبي


- * كُـنْ مـعَ الله .. ولا تُبَـاالـي * -




مسجل منذ: 18-10-2008
عدد المشاركات: 2865
تقييمات العضو: 9
المتابعون: 92

غير موجود
اشــترك بالتحديثات
رسالة مستعجلة

رد مشاركة : جحا القرن الواحد والعشرين !!

25-10-2009 12:20 AM






هـهـهـهـهـهـ هـهـهـهـهـهـهـهـهـ هـهـهـهـهـهـهـهـهـه ـهـهـهـهـهـهـهـه


فكرت حالي .. قرأت من شوي أكتر شي ضحكني بهي الليلة
وهيك كتبت بردي هنيك

بس لو فيني اوصف قديش ضحكني هالموضوع .. وغير الموضوع
لكنتو عرفتو شو الوضع عندي هلأ

الله يديم البسط .. وصحابووو

مشكورة لفلي .. متميزة وجريئة .. متل ما سمعت وعم لاحظ

وأكتر شي عجبني ... جحا الجــاااااار 


ناطرين جديدك   






                                         


أنت غير مسجل لدينا.. يمكنك التسجيل الآن.

مشاركة : 8


خفايا الروح

جامعـي نشـيط





مسجل منذ: 23-01-2009
عدد المشاركات: 175
تقييمات العضو: 0
المتابعون: 8

غير موجود
اشــترك بالتحديثات
رسالة مستعجلة

رد مشاركة : جحا القرن الواحد والعشرين !!

25-10-2009 05:22 AM




[size=7]ييييييييييييييييي
ما اكترن هتالايام
والله ماعك حق وين ما عم نروح بنلاقي جحى
شكرا لك على الموضوع المميز
تقبلي مروري
خفايا الروح




طردوه من كل المرافيء

أخذوا حبيبته الصغيرة ،

ثم قالوا : أنت لاجيء


أنت غير مسجل لدينا.. يمكنك التسجيل الآن.

مشاركة : 9


lovelyface

عضــو فضـي

lovelyface




مسجل منذ: 31-10-2007
عدد المشاركات: 1638
تقييمات العضو: 0
المتابعون: 19

غير موجود
اشــترك بالتحديثات
رسالة مستعجلة

رد مشاركة : جحا القرن الواحد والعشرين !!

25-10-2009 10:23 AM




عزيزي سلفستر

ان شاء الله كل ايامك ضحك وفرح وهنا

والله يبعد عنك كل الجحا الجيران

لك تحياتي     


-----------------

خفايا الروح

نورتي صفحتي

شكرا لمروركم الطيب


lovelyface




Life's a dream we are dreaming


أنت غير مسجل لدينا.. يمكنك التسجيل الآن.
 








ملتقى طلاب الجامعة... منتدى غير رسمي يهتم بطلاب جامعة دمشق وبهم يرتقي...
جميع الأفكار والآراء المطروحة في هذا الموقع تعبر عن كتّابها فقط مما يعفي الإدارة من أية مسؤولية
WwW.Jamaa.Net
MADE IN SYRIA - Developed By: ShababSy.com
أحد مشاريع Shabab Sy
الإتصال بنا - الصفحة الرئيسية - بداية الصفحة