[x]

"وقـل اعمـلوا فسـيرى الله عـملكم ورسـوله والمؤمنـون"


..لمحة عن كليات جامعة دمشق و فروعها... شاركنا تجربتك وكلمنا عن اختصاصك



المحـاضـرات
برنـامج الـدوام
برنـامج الامتحــان
النتـائج الامتحـانيـة
أسـئلة دورات
أفكـار ومشــاريع
حلقــات بحـث
مشــاريع تخـرّج
"وقـل اعمـلوا فسـيرى الله عـملكم ورسـوله والمؤمنـون"

مشاريع وأعمال حالية.. وإعلانات
برنـامج امتحان الفصل الأول نهائي/قسم المكتبات - 2013/2014
غاز السارين Sarin gas ( الأعراض, العلاج والارشادات )
أحكام فقه الجهاد
تـعـلـيـمـات فـي حـال اسـتـخـدام الآسـلـحـة الـكـيـمـاويـة
الى طلاب كلية التربية ... بجامعة دمشق
ان كانت لديك اية مشكلة تقنية نحن بالخدمة ان شالله (( العدد الثالث 2012- 2013))
منح دراسية من الاتحاد الأوروبي للسوريين
شروط القيد في درجة الماجستير بكلية التربية
عريضة لعميد كلية الاقتصاد ليتم اعادة مواد يومي 27-28
سوريا بخير..



  ملتقى طلاب جامعة دمشق --> الـمـنـتــديـــات --> المنتديــات العــامــة --> الـمُـضــحـــك .. الـمُـبـــكـي
    سياسة التطنيش الموروثة
عنوان البريد :  
كلمة المرور :  
                    تسجيل جـديد


.سياسة التطنيش الموروثة


lovelyface

عضــو فضـي

lovelyface




مسجل منذ: 31-10-2007
عدد المشاركات: 1638
تقييمات العضو: 0
المتابعون: 19

غير موجود
اشــترك بالتحديثات
رسالة مستعجلة

سياسة التطنيش الموروثة

27-10-2009 08:29 AM




السيلام عليكم ورحمة الله وبركاته

سياسة التطنيش الموروثة .

سياسة التطنيش الموروثة او المتوارثة هي عبارة عن مرادف اخر لكملة (تأجيل اعمال اليوم الى الغد )

او ما يسمى بالعامية (يباسة الراس المقصودة  او التنبلة !!!).

وسياسة التطنيش متلها متل  اي سياسة بالعالم لها جذور ومنابع واسس تقوم عليها ....

ولكن سياسة التطنيش الموروثة تتميز بوجودها في دمنا كشعب عربي وفي جيناتنا كشعب سوري...

فعلى سبيل المثال ومن باب التوضيح لما ذكر سابقا :

انت شب عايش بالضيعة يلي عاشو فيها ابوك واجدادك واجدادهن واذ بيصادف وجود بير مي نشفان بقطعة الارض يلي توارتثها عيلتكم الفاضلة منذ غابر الزمان ....

وباعتبار هل البير نشفان فما عاد في منو فائدة مرجوة ............او مشروبة بمعنى اصح .....

بل تحول لمصدر خطر ..... ويلي هو وقوع كم ولد من اولاد ضيعتكم المجيدة فيه ..... وبعتبار انو الانسان بزمانا عم يمشي الحيط الحيط ويقول يا رب الستر .... فكتتير وارد انو اثناء مشيو .. يوقع ببير المي يلي بقطعة ارضكم الابية ....

وبتبدا القصة بابو جد يلي ما كان فاضي يروح ويردم البير فطنش القصة!  ....

وبعدو جدك يلي كان بدو يروح يردمو واذ ستك الله يرحمها دب فيها الطلق وجابتلو لجدك الحباب ابوك يلي الله يسلملك ياه (قولو امين )

وعلى اثر هلالمناسبة السعيدة طنش جدك قصة البير ...!!.

هلق اجى  ابوك الله يمد بعمرو عزم وقرر وانطلق الى البئر المجهور والمعول في يــــده الصامدة ......وهو بالطريق امك الله يطول بعرمها ولدت اخوك الكبير(اقتضائا بستك!) .....

فرجع ابوك وزت المعول بالتراكتور وانطلق يجيب الداية .... ويربى بعزكم ودلالكم يا رب ..


وبعد سلسلة من احداث الانجاب التي تزامنت مع ذهاب ابيك العزيز الى البئر المجهورة لتنفيذ حكم الردم ...........مل ابوك من هل السيرة وطنشها ... وقال بكرا بخلي ولادي يوعدوني انو يقومو بهل المهمة .........وعلوعد ياكمون !!!

هلق بنجي لعندك انت يا حباب يا مثقف وواعي ... يا ابو قلب حنون .... زعل على  هل الكم ولد يلي راحو بالبير (علما بانو الكثافة السكانية عنا مرتفعة هل الايام ) بس قلبك الطيب دفعك انو تروح تردم هلبير ...

لك وما بيجيبها الا رجالها ...... وميلي على ميالك  ابو محمد خيالك ....

وعند وصولك الى البير........وقفت وقدحتها نظرة عيار ولي .... كلها مشاعر غضب وكره لهذه البئر التعيسة ....

بس بنفس الوقت ونفس اللحظة تحديدا بلشت السيالة العصبية بدمك تشتغل.... وتسارعت دقات قلبك... وتحركت المشاعر ..والعواطف ...والذكريات التي تربيت عليها من  نعومة اظفارك وانت تشاهد على مر الزمان محاولات اخواتك وابوك واجدادك بردم هذه  البير

والتي جميعها باءت بالفشل اما لاسباب انجابية بحتة او عدم وجود الوقت الكافي (لانو الله يصلحهن لهل البابليين يعني ما عرفو يقسموا الساعة الا  إلى 60 دقيقة و الدقيقة إلى 60 ثانية, السماء إلى 12 برج, والسنة 12 شهر، والدائرة إلى 360 درجة، وا ليل والنهار الى 24 ساعة .... فعلا ناس بخيلة !!)

وفجأءة ...والله يجيرنا من المفاجأت ....

بتتحول ابتسامتك الغاضبة الى بسمة جذابة ....وبتقول بنفسك .... لك ياباطل كيف هيك كنت رح اردم طقس من طقوس عيلتنا ؟؟؟ كيف؟؟  كيف كنت رح اردم هل الخصلة ؟؟ لك هالارث يلي تربينا عليه ؟؟؟؟ ويلي عاشو وهنن عم يتوارثوه اخي وابي وجدي لك وابو جدي كمان, كـــــــــــــــــــــــيف؟؟؟

فبتستغفر ربك  وبتقرا الفاتحة على ارواح من سبق  ...وبترجع على بيتك وعمرها ما تردم هلبير!!!!!

وهيك بكون يا احبائي عرفتلكم  سياسة التطنيش الموروثة ...

اما سياسة التطنيش غير الموروثة بنحكي عنا بعد يومين باذن الله  وبوموضوع جديد.

لكم تحياتي lovelyface







Life's a dream we are dreaming


أنت غير مسجل لدينا.. يمكنك التسجيل الآن.

مشاركة : 2


طوق الياسمين

عضو ذهبي


يا رب...




مسجل منذ: 11-09-2008
عدد المشاركات: 2853
تقييمات العضو: 36
المتابعون: 150

غير موجود
اشــترك بالتحديثات
رسالة مستعجلة

رد مشاركة : سياسة التطنيش الموروثة

27-10-2009 09:57 AM




صباح الخير 

للأسف
سياسة التطنيش كل مالها بزيادة
تقولي الناس ما صدقوا !!!!
يعني كل واحد بيقول أنا شو دخلني ، بيجي غيري بيعمل هالشيء
و هيك بيضل كل شي بمحله بانتظار هالبطل اللي ما بيحب التطنيش .
رغم قلة عدد الناس  "غير المطنشين " بس لسى في أمل

ذكرتيني ببرنامج بيطلع على إذاعة فيرجن اسمه ( بلا طول سيرة ) 


يعطيكِ العافية
بانتظار سياسة التطنيش غير الموروثة 

   





بسم الله الرحمن الرحيم
"  وَمَنْ يَتَّقِ اللَّهَ يَجْعَلْ لَهُ مَخْرَجًا (2) وَيَرْزُقْهُ مِنْ حَيْثُ لا يَحْتَسِبُ وَمَنْ يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا (3)"


{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}.
صدق الله العظيم


ربِّ .. يقولونَ أنَّ حلمي مستحيل..  وأنا أصبحُ وأمسي على يقين.. أنكَ على كلِ شئٍ قدير.





أنت غير مسجل لدينا.. يمكنك التسجيل الآن.

مشاركة : 3


Mo7amad

عضــو فضـي

يا اللـه مالنا غيرك يـا اللـه




مسجل منذ: 03-09-2008
عدد المشاركات: 1992
تقييمات العضو: 81
المتابعون: 32

غير موجود
اشــترك بالتحديثات
رسالة مستعجلة

رد مشاركة : سياسة التطنيش الموروثة

27-10-2009 04:06 PM




طريقة مبدعة جدا بتوصيل الفكرة


بهنيكي على الموهبة


وخلص من اليوم ورايح بدي تابع كتاباتك ....وعما أستنى موضوع سياسة التطنيش غير المتوارثة 


سلاااام

   





يا الله مالنا غيرك يالله


أنت غير مسجل لدينا.. يمكنك التسجيل الآن.

مشاركة : 4


lovelyface

عضــو فضـي

lovelyface




مسجل منذ: 31-10-2007
عدد المشاركات: 1638
تقييمات العضو: 0
المتابعون: 19

غير موجود
اشــترك بالتحديثات
رسالة مستعجلة

رد مشاركة : سياسة التطنيش الموروثة

27-10-2009 08:13 PM





اقتباس
رغم قلة عدد الناس "غير المطنشين " بس لسى في أمل


الحمد لله انو لسى في ناس بتثق بوجود لامل غيري على سطح هل الكوكب   

حاكم كنت مفكرة حالي نبذة 

شكرا لمرور والدعم وان شاء الله سياسة التطنيش الغير موروثة بعد يومين بكون بالمنتدى

-------------------------------------------------



اقتباس
طريقة مبدعة جدا بتوصيل الفكرة


بهنيكي على الموهبة


وخلص من اليوم ورايح بدي تابع كتاباتك ....وعما أستنى موضوع سياسة التطنيش غير المتوارثة



مرحبا ومسى الخير
لك روح الله يجبر بخاطرك وخاطر كل مين قلك مرحبا ومسى الخير عند هل المسى وحتى ولو كان اولهن انا   


وشكرا للدعم جد خجلتوني    خلص ان شاء الله علوعد بعد يومين

لكم تحياتي lovelyface




Life's a dream we are dreaming


أنت غير مسجل لدينا.. يمكنك التسجيل الآن.
 








ملتقى طلاب الجامعة... منتدى غير رسمي يهتم بطلاب جامعة دمشق وبهم يرتقي...
جميع الأفكار والآراء المطروحة في هذا الموقع تعبر عن كتّابها فقط مما يعفي الإدارة من أية مسؤولية
WwW.Jamaa.Net
MADE IN SYRIA - Developed By: ShababSy.com
أحد مشاريع Shabab Sy
الإتصال بنا - الصفحة الرئيسية - بداية الصفحة