مرحبا
أول شي مبروك نجاح أختك
و بالنسبة لفحص القبول هو فحص بسيط كتير أهم شي تكون هي عندها موهبة
أول فحص هو تمهيدي بس ليشوفو إذا في موهبة مو أكتر و هو عبارة عن إما تكوين كتير بسيط و عادي رح يحطو قدام هـ الطلاب و يطلبو منن رسمو أو رح يطلبو رسم بعض السكيتشات لشي شغلة بسيطة كمان
و تاني فحص هو رسم و تظليل بالرصاص بس لتكوين هو ع الأغلب تمثال من الكلية لفينوس أو سقراط أو أكري با ....
و كمان فحص بألوان الباستيل شوية فواكه و خضرا
و كمان فحص عبارة عن شي عشرين سؤال عام عن الفن و الفنانين المشهورين
و إنشالله بتقدم و بتنجح و بتنضم لكليتنا الحلوة
و بعد ما تنقبل السنة الأولى هي عامة بتدرس فيها كل الأختصاصات خمس أختصاصات و بعدين بالسنة التانية بتختص
و طبعا الأختصاص حسب معدل السنة الأولى
و الديكور بيطلب أعلى معدل
و موفقة و يا ريت تطمنينا عنها بعدين