رد مشاركة : بدي حفلة هالأد أدهاااا ^_* ل (( حورية البحر ))
19-10-2011 09:24 PM
يلله ألف مبروك....
صحي الخاتمة قد تكون مو متل ما بدنا....
بس ولا يهمك....بتصير بأحسن العائلات.....
المهم صارت هلأ ولا صارت بعدين....
والله يختار الخير للطرفين......
رد مشاركة : بدي حفلة هالأد أدهاااا ^_* ل (( حورية البحر ))
20-10-2011 10:30 AM
صديقتي الغالية nan0oo بدي ألِك بحبِك كتير
والله ماني عرفانة شلون بدي بلِش وشو أحكي
أنا خجلانة من حالي كتير
أنا بطبعي ما بحب كون ضعيفة و ما بحب كلمة الضعف تنواجد بقاموس حياتي أبداً
بس ما بعرف شو صرلي لما عرفت أنو ما طلعلي ماجستير
أول مرة بنأهر وبتألم لهالدرجة
الأصة مو سر , يعني كل واحد فينا بيحلم بعد مايتخرج يكمل ماجستير و أحياناً يضع آمالاً و أحلاماً كبيرة يبنيها على هذه اللحظة , وفجأة يتحول كل شيء لسراب
وخصوصاً لما الواحد يتعب و يعمل و يسهر و يدرس كثيراً و ما يلائي ثمرة تعبو عنجد شيء مؤلم
يعني نجحت بالامتحانين ومعدلي أكتر من غيري وما نأبلت
بالاضافة إلى خطأ موظفة وشطبها للرغبة الثانية يلي كتبتها بالمفاضلة كان طلعلي ماجستير
مابعرف حسيت حالي انظلمت
بعرف اني بأدِر أدمها سنة الجاي , طيب و هالسنة تروح من عمري عالفاضي ليش , بسبب ذكاء موظفة
المشكلة مابيصير نحكي كلمة أو نطالب بحأنا بيعتبروها
1- تعدي على الموظف و ممكن تنلغى الإجازة
2- راح الوأت
بتشكرِك حبيبتي و رفيئتي وغاليتي nan0oo على وأفتِك معي ومواساتِك لي , والله مافي منِك كفو نِعم الصديقة أنتِ
ومشكورين جميعاً
عاشقة الكيمياء
بسمة الفجر
الياقوت الأزرق
until the moment
LAMA
dr.bashari
على مواساتكم لي , وانشالله منحتفل بنجاحاتكم بحياتكم العلمية والعملية
دوماً
عنجد هالمنتدى مميز بأعضائه جميعاً و مشرفيه
سجلت بكتير منتديات و انسحبت منها فوراً لكن هذا المنتدى لئيت حالي عم شارك و أستمر فيه بدون ما أشعر
ما حسيت بطعم الصداقة غير هلأ
صدق المثل القائل (الصديق عند الضيق)
ملتقى طلاب الجامعة... منتدى غير رسمي يهتم بطلاب جامعة دمشق وبهم يرتقي...
جميع الأفكار والآراء المطروحة في هذا الموقع تعبر عن كتّابها فقط مما يعفي الإدارة من أية مسؤولية WwW.Jamaa.Net